ياشيلليغين ايزي گئتدي ، تالاندي ماهنيلاريم
و يار سانديغيم اينسانلار اولدولار حئصاريم
جؤجهرميش ، بوغازيمدا باغيرتي ، سولدو يئنه
اليمده چيخدي بوشا، باتدي ان سونونجو وارم
گئجهيدي ، سيندي فانيس ، سؤندو، سؤيلهدي:«گئتمه!»
اوْلايله سس سسه وئردي آياقداكي قاباريم
جوماندا ثانيهلر ايچره ، دؤندولر قيفيلا
دون آتدي بو «من»يمي منده ، دوندو شاهداماريم
آچيق قالان پاجالار! سيز صاباحي سسلهمهيين
نه اوزله نيسگيلمي من صاباحلارا آپاريم؟
گئدن صاباحا ،گونش نورونو آچار آپارار
منه ايشيلدايان اولدوز دا يوخ ، اولا آچاريم
۲۳/۱۲/۷۵
