1- غوواصئ- بواحيرئ-ريوايت،
سيياحئ- بواديئ-حيکايت
2- دريايئ- ريوايتي اوزنده،
صحرايئ-حيکايتي گزنده.
3- دوزموش بو نيظام ايلن گؤهرلر،
وئرميش بو ادا ايلن خبرلر.
4- کيم وار ايدي بير خوجسته سيما،
ايدراکي تامام، طبعي غوررا.
5- اشياء تکللوموندن عاريف.
هر السينهدن اولوردو واقيف.
6- بير گون کي، شههئ-سيپئهرئ-رابئع[1]
تيغيني حمل[2]ده قيلدي لامئع[3]،
7- تسخيرئ-حمل قيلان زاماندا،
خونئ-حمل آخيدان زاماندا،
8- جاري اولوب هر طرف گزنده،
هر سبزهگههه گوذر ائدنده ،
9- بير طؤور ايله دؤور ائديب زمانه ،
بير اؤزگه فضا يئتيب جهانه ،
10- ابوابئ-خيال اولوندو مفتوح،
امواتئ-نباته يئتدي چون روح.
11- چون نشو و نيما بولوب چمنلر،
چاک ائتدي نبات پيرهنلر،
12- مئي نشئه ايله اياغ چکدي،
لاله جيگرينه داغ چکدي.
13- نرگيس کي، گؤز آچدي باغه گيردي،
بير باخماغيلن اؤزون ايتيردي.
14- کجگردن اولوب بنفشهيئ-زار،
بير نشئيئ-مئيله اولدو خوممار.
16- غؤنچه ياخاسيني ائيلهدي چاک،
بولبول باخوبان اولوب فرحناک؛
17- باغ ايچره آچيلدي قيرميزي گول،
باشلادي انين[4] و ناله بولبول.
18- القيصصه ، فضالهنيب چمنلر،
خوش، تازه گئييندي ياسمنلر.
19- سئير ائتمک اوچون او پاکدامن،
توتدو رهئ-باغ و طرفئ-گولشن.
20- بير باغه گوذر ائدن زاماندا،
هر مئيوهيه بير نظر قيلاندا،
21- گؤردو کي، فواکئه[5] و ثمرلر
اؤز-اؤزونه ايفتيخار ائدرلر.
22- آلوچه ائدردي شوکرئ-ستتار
کيم:
- من کيمي خوش جهاندا کيم وار؟
23- تبلرزهيه من شفا وئريرم،
تلخييئ-فمه[6] صفا وئريرم.
24- اکليم[7]دن اولوب باش آغريسي دور،
دئميش حوکما بو سؤزو جومهور.
25- اول سؤزونو آخيره يئتيردي،
خشميندن آلو اؤزون ايتيردي.
26- آلوچهيه سؤيلهدي کي:
- ائي زار!
فخر ائيلهمه ، ائيلهمزميسن عار؟
27- کيم تورش، دخي ذليلسن سن،
اثمار آرا عليلسن سن.
28- اکلينده سنين قاماشي[8] ديشلر،
خوش طبعلره روطوبت ايشلر.
29- ايفليجه و کوفت؛جومله آزار[9]،
سني يئيهنه اولور سزاوار.
30- اول قاديرئ-بيميثال و همتا،
آلويه مني قيليب موسمما،
31- چون دوررئ-قلندري به گوشم،
يوز مين طرفه ساچيلدي خوشهم.
32- گه سبزه و، گاه ارغوواني،
گه سورخ و سفيد، زعفراني.
33- اونون سسيني گيلاس ائشيتدي،
بو ضرب ايله اونا طعنه ائتدي:
34-
- کئي ناکسي دون، اوتانمادينمي؟
آزرم اودونا يانمادينمي؟
35- کندوزونو[10] بونجا وصف ائتدين،
قورتار سؤزونو کي، حددن اؤتدون.
36- هر کيم سني يئسه ائتمز احلال[11]،
گونده گرک اونا اوچ کره بال.
37- اول دم کي، مني حاق ائتدي ظاهير،
وئردي تنيمه ليباسئ-فاخير،
38- رختيم کيمي يوخدو هيچ جؤوهر،
جيسميم کيمي يوخدو هيچ گؤوهر
39- گه زؤهره و گاه موشترييم.
گاهي ملک و گهي پرييم.
40- سرو آغاجي تکدير هر بوتاغيم،
خوبلار چکهللر ايشتيياقيم.
41- زردآلو ائشيتدي، نعره اوردو[12]
کيم:
- گيلاسي گؤرگيلن، قودوردو!
42- دئدي کي:
- ائي احقرئ-زمانه !
وئي زاغ و کلاغه آب و دانه !
43- نه فخر ايله اؤزونو اؤگرسن،
بو عئيب ايله سن نه فخر ائدرسن؟
44- بير قطره سو، بير ده اوستوخانسان[13]،
هر کيم کي، يئسه اونا زييانسان.
45- گر سني قوروتسا باغيبانلار.
آخير گونو چوخ چکر زييانلار.
46- اول اصلئ-بينايئ-جومله بونياد،
زردآلو منه قويوبدو هم آد.
47- گه سبز اولورام زوموررود آسا،
گاهي بدنيم اولور موطللا.
48- گر مني قوروتسا باغيبانلار،
ايستر مني جومله کاريوانلار.
49- هر قاندا آپارسالار عزيزم،
هر طبخه بوراخسالار تميزم.
50- اريک سؤزون آلما گوش قيلدي،
آجيقلانيبان خوروش قيلدي:
51-
- کئي قارني ورملي، سينهسي چاک،
وئي جامهسي توزلو، لذذتي خاک!
52- خاصيييتيني کي، سن بيليرسن،
کندوزونا ريشخند ائديرسن.
53- هر کيم سني يئدي قارني شيشدي،
دريايئ-بلا ايچينه دوشدو.
54- انواعئ-بلا و درد و سؤودا.
سني يئيهنه اولور موحييا،
55- اول قادير و حيي و فرد و فتتاح،
آديمي منيم قويوبدو توففاح[14].
56- هم چؤهرهمه وئردي سورخ رنگي،
هم اهينيمه اطلسئ-فرنگي[15].
57- ايکي يارين آراسيندا محرم
يوخ من کيمي دهرده موقددم.
58- هم پئيکئ-نيگارئ-نازنينم،
هم قاصيدئ-يارئ-مهجبينم.
59- تبليغئ-ريسالتيمده سؤز يوخ،
تفهيمئ-بلاغتيمده سؤز چوخ.
60-خلوتگهئ-ياره اهلئ-سيررم،
معشوقينه عاشيقي يئتيررم.
61- بير بزمده گر اولا مويهسسر،
تجميعئ-فواکئه و ثمرلر،
62- من هم گر او بزمده بولونسام،
اثمار ايچينده حاضير اولسام،
63- جومله مني اينتيخاب ائدهللر،
هم غئيردن ايجتيناب ائدهللر.
64- آلما ائدر ايدي يوز تفاخور،
امرود اؤزونو قيلدي ظاهير.
65- سسلندي کي:
- ائي فسادئ-دؤوران!
وئي موفسيدهيئ-ميثالئ-شئيطان!
66- گر قابيلئ-ايفتيخار اولوبسان؟
آلما آديني نئچون قويوبسان؟
67- گر ياخشي اولاردين آل دئيهردين،
آلما نئچون آديني قوياردين؟
68- اول حضرتئ-لايزالئ-معبود،
آد قويدو منه لطيفه امرود.
69- وئردي منه ياخشي خاصيييتلر،
هم اکليمه چوخ-چوخ عافييتلر.
70- هر خستهيه من شفا وئريرم،
هر جرگهيه من صفا وئريرم.
71- امرود ائدردي وصف حالين،
بيلمزدي اؤز ايشينين معالين[16]،
72- ناگاه سسيني ائشيتدي انگور،
غئيظه گليب اولدو مست و مسرور:
73-
- کئي رنگي سارالميش عيللتيندن!
باشي يئکه ضعفئ-قوووتيندن.
74- اؤز باشينا سن طبيب اولدون،
بيمارلارا نصيب اولدون،
75- کندوزونا واردير ائحتيياجين،
ائيلرميسن اؤزگهلر علاجين؟
76- دخي کل[17] اگر طبيب اولوردي،
اوول باشينا دوا قيليردي،
77- اوول واريب اؤزونه دوا وئر،
اوندان سورا خستهيه شفا وئر.
78- اول جاعيلئ[18]-ظولمتين ايلن نور،
آد قويدو منئ-حريفه انگور.
79- وئردي منه دورلو خاصيييتلر،
لوطف ائتدي منه چوخ عافييتلر.
80- من سبزه و کيشميش و مهويزم.
اثمار ايچينده چوخ لذيذم.
81- مندندي شرابئ-ارغوواني،